El Mazucu: Homenaxe a los milicianos y la solidaridá antifacista

En Setiembre de 1937, trés la cayía d’Euskadi y Cantabria, en manes de les tropes facistes, estes llanzaron la so ofensiva d’ocupación de l’Asturies a la que tanto odiaben. Na Sierra del Cuera desendolcose la cabera batalla del norte, una dura batalla de resistencia pa frenar la popularmente nomada “Avalancha” del exércitu de Franco y la Lexón Condor. Milicianos, fundamentalmente, asturianos, cántabros y vascos, d’estremaes ideoloxíes, Comunistas, Sociaistes, Anarquistas, etc, antifacistes toos, amosaron el so heroísmu, defendiendo les posiciones de la llibertá.

Güei, 76 años después, cuando’l Franquismu entá ye llegal nes tierres d’España, cuando’l Xefe del Estáu sigue siendo’l designáu pol dictador, y cuando los sos heredieros políticos desendolquen programes d’aición tendentes a finar con cualesquier atisbu de drechu ciudadanu y social, ye más necesariu que nunca rendir homenaxe a los nueso cayíos, a los nueso mártires y héroes. La so llucha sigue siendo exemplu de dignidá y compromisu, y nel so honor, el 14 de Setiembre de 2013, dende les 12 la mañana, taremos xuntos/es, los sos herederos políticos, al marxe les nueses dfierencies, na Sierra del Cuera, nel Mazucu.

L’actu d’esti añu nel Mazucu pretende ser, a la mesma vegada de too lo anterior, un viaxe d’ida y vuelta al homenaxe que la corporación municipal de Larrabetzu, pueblu hermanu de Bizkaia, fizo, cola asociación vascas Ahaztuak 1936-1977, el 23 de Xunu de 2013, a los asturianos que morrieron en combate defendiendo dicha tierra y que foron enterraos na campa de Bolunduru, un paraxe a les afueres de dichu pueblu. La coardialidá, la fraternidá y camaradería que viviose n’aquel actu, cola so Alcaldesa al frente, oblíganos de bon grau, a realizar un actu como’l qu’agora intentamos, col ánimu de seguir afondando nel homenaxe a tola nuesa xente que morrió por un mesmu obxetivu de llibertá y justicia social, perparticularmente a los que foron asesinaos y siguen tiraos en cunetes y foses comunes.

L’actu del Mazucu nun pretentemos seya sólo un actu de señardá o de xusticia, sinon un actu d’amistá y solidaridá internacionalista, ente pueblos hermanos, que por muncho que dalgunos/es pretendan enfrentanos, nun vamos a dexar qu’ocurra. Pretendemos converxer nun actu toos y toes aquellos/es que continuamos reclamando los ideales polos que morrieron aquelles xentes munches d’elles lloñe de la tierra que les vio ñacer. Y pretendemos facelo con un ánimo de dir construyendo redes d’andecha que nos permitan acumular fuercies p’abrir un procesu de cambiu social y políticu necesariu nel estáu español, que permita que se reconozan y puean exercer tolos drechos de los pueblos y persones del estáu n’igualdá de condiciones, ensin les torgues, llastres ya imposiciones de les oligarquíes, herederes del Franquismu qu’entá mos gobiernen.

Llamamos a organizaciones y persones a secundar esti actu, que finará con una xinta popular, de confraternización, faciéndolu públicu, difundiéndolu, y participando nel mesmu. Nun ye hora de llamentos nin de llárima y pañuelu, sinon de converxencia y de llucha, y por ello llamámosvos a poner un granu de sable a esti camín el 14 Setiembre nel Mazucu.

* Federación Asturiana Memoria y República

Deja un comentario

Nos obligan a molestarte con las "galletitas informáticas". Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar