Festa pola República na Coruña o 19 de xuño. Non queremos monarquía!

Festa pola República na Coruña o 19 de xuño. Non queremos monarquía!

Por Agencia Mp3

O manifesto “Non queremos monarquía. Galiza pola República e polo dereito a decidir” ten o apoio de máis de sesenta entidades de toda Galiza. A festa pola República do 19 de xuño na Coruña contará con actuacións musicais

19 de xuño de 2024, 10º aniversario da coroación de Felipe VI

A Festa pola República celebrarase o mércores, 19 de xuño, coincidindo co 10º aniversario da coroación de Felipe VI, a partir das 20 horas, no Campo da Leña (praza de España) da Coruña. Como é preceptivo, notificouse o 7 de xuño á Subdelegación do Goberno e Policía Local.

Segundo o cartaz da festa, que se axunta, estas serán as seis actuacións musicais: Grupo Ozáns, Mini, Xosé Taboada, Paco Campos, Grupo Parabéns e Tombalobos Orquetra. A escritora Beatriz Maceda e o escritor Henrique Rabuñal lerán un breve texto sobre a República. O escritor, músico e artista Xurxo Souto presentará esta Festa pola República.

Para divulgar esta festa, colocaranse mesas informativas o luns, 17 de xuño de 19 a 21 horas no Cantón Grande da Coruña, e o martes, 18 de xuño, de 18 a 21 horas no Campo de Marte, xunto á biblioteca da Asociación Veciñal de Monte Alto.

Na roda de prensa de hoxe informouse das actividades desenvolvidas na Coruña desde 2014, cando abdica o rei Juan Carlos. O 19 de xuño de 2014, coincidindo coa coroación de Felipe VI unha plataforma cívica de entidades da comarca da Coruña convocaba unha manifestación baixo o lema GALIZA POLA REPÚBLICA E POLO DEREITO A DECIDIR coa participación de máis de 3.000 persoas.

Posteriormente, constituíase a plataforma cívica Galiza pola República que convocaba unha concentración no Obelisco da Coruña o 23 de xullo de 2019 de 2019, cando se cumpría o 50º aniversario da designación polo ditador Franco de Juan Carlos como o seu sucessor na Xefatura do Estado; e outra concentración o 13 dea bril de 2021, coincidindo co 90º aniversario da proclamación da Repúlbica, cun manifesto apoiado por máis de setenta entidades de Galiza.

O manifesto da convocatoria da manifestación de 2014 lembraba: “A Coruña é unha cidade cunha forte tradición republicana e así o manifestou cando puído elixir libremente. Nas eleccións municipais do 12 de abril de 1931, que acabaron coa monarquía, as diversas candidaturas republicana acadaron 35 concelleiros e só 5 as monárquicas. E nas eleccións a Cortes de xuño de 1931 as candidatura republicanas conseguían 13 dos 16 deputados pola provincia da Coruña”.

O escritor e xornalista Manuel Rivas, que leu ese manifesto, facía esta reflexión persoal, que, dez anos despois, ten plena actualidade: “É un fermoso día porque estamos onde temos que estar e cando temos que estar. A democracia non é un agasallo temporal. Non é un paraugas que che presten na seca e que cho quiten cando chove, cando fai falta. A soberanía reside no pobo, iso din todos, mesmo os que a negan na práctica. Porque a soberanía popular, nestes momentos, no Estado español, está a ser obxecto de subtracción. O discurso dominante nesta xeira é dunha hipocrisía estupefaciente. Dinnos: sodes soberanos, mais non é tempo de exercer a soberanía. Xa seredes soberanos cando as ras boten pelo. Xa o estudaremos dentro duns séculos. Isto lembra a estafa das preferentes: o diñeiro é voso, pero comémolo nós. Esta é unha marcha na que dicimos non. Non á imposición monárquica. Non á subtracción da soberanía. Non á política de cartón pedra, que fan as elites á marxe do pobo. Mais tamén dicimos si. Un si moi grande á liberdade, que é o tesouro da humanidade. E dicimos si ao dereito a decidir. Porque os dereitos están para exercelos e non para que os teñan conxelados nas neveiras do poder”.

Cando se cumpre o 10º aniversario da coroación como rei de Felipe VI o manifesto, que axuntamos, chama a toda a cidadanía para que se sume á construción dunha alternativa republicana. É hora de expresar o noso compromiso en defensa da democracia e pola transformación social, con maior xustiza e liberdade para o noso pobo, e por iso queremos manifestar que estamos por un futuro republicano.

Ler o manifesto: “Non queremos monarquía. Galiza pola República e polo dereito a decidir”, prema aquí

Galiza – LoQueSomos

Comparte este artículo, tus amig@s lo leerán gratis…
Mastodon: @LQSomos@nobigtech.es Telegram: LoQueSomosWeb
Twitter: @LQSomos Facebook: LoQueSomos Instagram: LoQueSomos

LQSomos

Deja una respuesta

Tu dirección de correo electrónico no será publicada. Los campos obligatorios están marcados con *

Este sitio usa Akismet para reducir el spam. Aprende cómo se procesan los datos de tus comentarios.

Caompañer@s y lectoras todas, en las ultimas 48 horas hemos sufrido un ataque de denegación de servicio, llamado también ataque DoS. Miles de peticiones ficticias hacia una página web hace que pueda colapsar al resultar imposible responder a todas.

Lamentamos haber estado tanto tiempo fuera de servicio.
Seguimos!

Nos obligan a molestarte con las "galletitas informáticas". Si continuas utilizando este sitio aceptas el uso de cookies. más información

Los ajustes de cookies de esta web están configurados para "permitir cookies" y así ofrecerte la mejor experiencia de navegación posible. Si sigues utilizando esta web sin cambiar tus ajustes de cookies o haces clic en "Aceptar" estarás dando tu consentimiento a esto.

Cerrar