Fuera’l franquismu de les nuestres cais
Agencia Mp3*. LQSomos.
Concentración: Martes 29 de xunu, a les 19:00 hores. Na plaza del Fresno, Uviéu
Más de 40 años depués de rematada la Dictadura de Franco, munchos de los elementos ideolóxicos y culturales que la conformaron, el llamáu franquismu sociolóxicu, permanecen nes nuestres instituciones y nel nuestru aparatu d’Estáu, amás de na nuestra sociedá. Por eso existen tantes resistencies nel Poder Xudicial y en delles instituciones públiques a, por exemplu, esplicar y/o eliminar los símbolos que reconocen y emponderen el franquismu nes nuestres cais y places, nel nuestru espaciu públicu. Ye’l casu de les 21 cais d’Uviéu que nos ocupa.
Nuna sociedá democrática tienen que se reconocer y honrar en plaza pública los principios y valores de la democracia, y tamién a les persones y colectivos que la promovieron y que defendieron les llibertaes y los Derechos Humanos.
Por eso les asociaciones firmantes embaxo convocamos una concentración pa que s’eliminen los nomes d’eses 21 cais, pa defender los valores democráticos y refugar el golpe militar qu’acabó cola democracia de la Segunda República española, amás de renegar de la Dictadura fascista qu’a lo llargo de 40 años siguió a esi golpe militar.
De la mesma manera, les entidaes que firmamos embaxo comprometémonos a tar sollertes a los cambeos nos nomes de les cais y a siguir calteniendo esti espaciu de confluencia, ampliándolu a otros colectivos y persones pa reforzar una convivencia sana nuna sociedá democrática dafechu.
Nun se pue querer ser demócrata y sofitar el fascismu: o se ta con unos o con otros. La elección ye personal, pero la Llei oblíganos a toos.
Concentración: Martes 29 de xunu, a les 19:00 hores. Na plaza del Fresno, Uviéu
* Federación Asturiana Memoria y República-FAMYR, La Comuna d’Asturies-CEAQUA, Asociación para la Recuperación de la Memoria Histórica-ARMH, Asociación 13 Rosas Asturias, Asociación de familiares y amigos de la Fosa de Parasimón, Foru Pozu Fortuna, Plataforma pola Dignificación de les Fuexes Comunes de Siero, Plataforma contra los Recortes sociales de Avilés y Comarca, Archivo Guerra y Exilio, Atenéu Republicanu de Llangréu, Estaya la Memoria L’Altu Nalón, Asociación de Vecinos de Pumarín, Sociedad Cultural Gijonesa, Revista Tiempo de Cerezas, Asturias Socialista, Ateneo Republicano de Asturias-A.R.A., Fundación Andreu Nin-Asturias, S.U.A.T.E.A., C.S.I.-Uviéu, Anticapitalistes, Izquierda Xunida, Somos-Uviéu, Podemos- Uviéu.
Síguenos en redes sociales… Facebook: LoQueSomos Twitter: @LQSomos Telegram: LoQueSomosWeb Instagram: LoQueSomos
