Redacción*. LQS. Noviembre 2018

Las tres personas denuncian crímenes de torturas cometidas por el policía Pascual Honrado de la Fuente y lo enmarcan en un contexto de crímenes contra la humanidad. Las querellas forman parte de una campaña de presentación de querellas criminales en los tribunales españoles que tratan de revertir una situación de impunidad

Un momento de la rueda de prensa. De izquierda a derecha: Faustino Sánchez, querellante; Alberto Suárez, abogado; Vicente Gutiérrez, querellante, y Delfina Flórez, de La Comuna d’Asturies

Nun alcuentru cola prensa esta mañana, La Comuna d’Asturies, la entidá asturiana que forma parte de la CeAQUA (Coordinadora Estatal d’apoyu a la Querella Arxentina contra crímenes del franquismu), anunció la presentación d’un recursu d’amparu énte’l Tribunal Constitucional depués de que se desestimaren les querelles interpuestes n’Uviéu por trés activistes antifranquistes torturaos pola policía nes últimes décades del franquismu. Na rueda de prensa, amás del abogáu Alberto Suárez Martínez, tuvieron presentes dos de los querellantes, Faustino Sánchez García y Vicente Gutiérrez Solís (el terceru, Gerardo Iglesias, nun pudo asistir por motivos de salú).

Les trés persones denuncien crímenes de tortures cometíes pol policía Pascual Honrado de la Fuente y enmárquenlo nun contestu de crímenes contra la humanidá. Les querelles formen parte d’una campaña de presentación de querellas criminales nos tribunales españoles que traten de revertir una situación d’impunidá en rellación cola investigación y enxuiciamientu d’esos crímenes, situación d’impunidá incompatible con un estáu democráticu y de derechu. Hasta agora presentáronse doce querelles: amás de les trés d’Uviéu, presentáronse nueve en Madrid.

Dende la CEAQUA tán impulsándose acciones penales nos tribunales españoles en combinación directa cola causa penal que se tramita
n’Arxentina, siendo esta última la única que, na actualidá, investiga los crímenes mentaos. Anque somos sabedores de les dificultaes que supón, el Tribunal Constitucional, como máximu garante de los derechos fundamentales qu’asisten a la ciudadanía, tendría que se pronunciar favorablemente tocante a les demandes d’amparu, en consonancia colos pronunciamientos que se fixeron al respective dende delles instancies internacionales y mui especialmente dende’l Conseyu de Derechos Humanos de les Naciones Uníes que, nun se tien qu’escaecer, censuraron gravemente la política d’impunidá caltenida pol Estáu español y la posición adoptada polos nuestros tribunales.

En cualquier casu y esperando que nun seya menester, pal supuestu de que’l Tribunal Constitucional se pronunciare desfavorablemente, anunciamos que vamos interponer reclamaciones énte los organismos de les instancies internacionales que correspuendan (Comité de Derechos Humanos de les Naciones Uníes, Comité contra la Tortura, Tribunal Européu de Derechos Humanos, etc.).

Amás, vamos siguir impulsando la tramitación de la Querella Arxentina y interponiendo más querelles nos tribunales del Estáu
español hasta acabar cola situación d’impunidá caltenida y que se reconoza de forma efectiva a les víctimes de graves violaciones de derechos humanos el derechu que tienen a la verdá, xusticia, reparación y garantíes de non repetición.

* CeAQUA

Síguenos en Facebook: LoQueSomos Twitter@LQSomos Telegram: LoQueSomosWeb

http://www.loquesomos.org/wp-content/uploads/2018/11/Trés-asturianos-torturaos-pola-policía-franquista-presenten-recursos-damparu-al-Constitucional-lqsomos-querella.jpghttp://www.loquesomos.org/wp-content/uploads/2018/11/Trés-asturianos-torturaos-pola-policía-franquista-presenten-recursos-damparu-al-Constitucional-lqsomos-querella-150x150.jpgLQSomosAsturiesQuerella ArgentinaRedacción LQSomosAsturias,CONSTITUCIONAL,Justicia,La Comuna,Reparación,VerdadRedacción*. LQS. Noviembre 2018 Las tres personas denuncian crímenes de torturas cometidas por el policía Pascual Honrado de la Fuente y lo enmarcan en un contexto de crímenes contra la humanidad. Las querellas forman parte de una campaña de presentación de querellas criminales en los tribunales españoles que tratan de...Cultura Libre, Comunicación Libre