Yá son 11 los conceyos asturianos qu’aprobaron mociones n’apoyu a la querella arxentina
Once conceyos asturianos yá aprobaron nos sos plenos una moción d'apoyu a la querella arxentina presentada en Buenos Aires por "xenocidiu y/o crímenes de lesa humanidá cometíos n'España pol franquismu y los sos autores ente'l 17 de xunetu de 1936 y el 15 de xunu de 1977". Dende'l mes d'abril d'esti añu, un grupu de ciudadanos y ciudadanes constituyimos n'Asturies una plataforma que na actualidá forma parte de la Coordinadora Estatal d'Apoyu a la Querella Arxentina. El resultáu de los contactos establecíos nestos meses foi que 11 conceyos aprobaron nos sos plenos mociones d'apoyu a la querella: Avilés, Mieres, Llangréu, Ayer, Castripol, Riosa, Noreña, Morcín, El Franco, Samartín del Rei Aurelio y Corvera. Esperamos que s'aprueben nestos meses vinientes, ente otros, en L.lena, La Ribera, Llaviana, Grau, Bual y Carreño. Tamién recoyimos un bon númberu de firmes d'apoyu individual ente alcaldes y conceyales, amás de ciudadanos en xeneral y persones rellacionaes cola defensa de la Memoria Histórica.
La plataforma d'Asturies ta centrando'l so llabor en dar a conocer la iniciativa y posibilitar que les persones que sufrieron la represión y/o los familiares puedan utilizar esta vía pa esixir la verdá, xusticia y reparación.
El 18 de xunetu n'Uviéu, conxuntamente con Amnistía Internacional-Asturies, presentemos l'informe espublizáu por esta entidá El tiempo pasa, la impunidad permanece, sobre les víctimes de la guerra civil y el franquismu, cola presencia del autor, Ignacio Jovits.
Depués del mes d'agostu vamos retomar l'actividá, estableciendo contactos con más conceyos y empezando una ronda d'entrevistes con tolos grupos parllamentarios de la Xunta Xeneral del Principáu, cola mira de que s'apruebe una Declaración Institucional apoyando la Querella contra los Crímenes del Franquismu.
… El 14 d'abril del 2010 presentábase en Buenos Aires, énte'l Xulgáu Nacional no Criminal y Correccional Federal N.º 1, a cargu de la xueza María Servini de Cubría, la querella 4.591/2010, col nome “xenocidiu y/o crímenes de lesa humanidá cometíos n'España pol franquismu y los sos autores ente'l 17 de xunetu de 1936 y el 15 de xunu de 1977”.
En xunu del 2012, constitúyese la Rede AQUA pa coordinar el trabayu de difusión de la querella en tol ámbitu estatal y na actualidá denomínase Coordinadora Estatal d'Apoyu a la Querella Arxentina. A lo llargo d'esti últimu añu creáronse delles plataformes: País Vascu, Navarra, Cataluña, Asturies, Madrid y, va poco, Andalucía…
Contactu col Grupu Asturianu d'Apoyu a la Querella Arxentina:
Más información:
- http://www.ceaqua.org
- https://www.facebook.com/LaComunaPresxsDelFranquismo
- http://www.lacomunapresxsdelfranquismo.org/
Notes rellacionaes:
- Solicitan la detención de nueve franquistas
- Algunas reflexiones en torno a la querella argentina por las víctimas del franquismo
- "El gobierno del PP quiere retrotraernos al encubrimiento de la dictadura"
- “Nuestro Darío”
- Con los querellantes contra el franquismo
- Boicot a las víctimas del franquismo
- Piden la imputación de franquistas por delitos de lesa humanidad
- El proceso contra el franquismo se reactiva en Argentina
- Nuestra querella
